አሸዋ ቴክኖሎጂ ሶሉሽን አ.ማ ባሳለፍነው አመት ትርፋማ ነኝ አለ አመታዊ ጠቅላላ ጉባኤ ስብሰባ ባደረገበት ሰአት ነው ይህን ያለው።

አሸዋ በ11 የቴክኖሎጂ ዘርፎች ላይ ለመስራት በኢትዮጲያ ህግ የተመዘገበ የማህበረሰባችንን ህይወት ቀላል፣ ዘመናዊ እና የበለጸገ እንዲሆን እየሰራ ያለ ተቋም ነው. አክሲዮን እየሸጠ ጎን ለጎን ጥሩ እድገትን እንዳመጣ ነው የተገለጸው. ባሳለፍነው አመት ጠንካራ መሰረት በኢኮመርስ ላይ የተዘረጋበት፣ የደሊቨሪ እና ሎጅስቲክስ አገልግሎት፣ ስራ ለሁሉም ፕሮጀክት ያስጀመርንበት፣ ከተለያዩ መንግስታዊ እና መንግስታዊ ካልሆኑ ተቋማት ጋር አብሮ የመስራት ስምምነት ያደረግንበት፣ ብዙ ፖሊሲዎች እና ፕሮስጀሮች የተቀረጹበት፣ ብዙ ዳታዎች የተሰበሰቡበት፣ ከ 4 በላይ ሶፍትዌሮችን ያበለጸግንበት እና 2ቱ ወደስራ ያስገባንበት፣ የ5 አመት ስትራቴጂክ ፕላን የቀረጽንበት፣ ከ10000 በላይ ደንበኞችን፣ ከ5000 በላይ ምርቶችን እና ከ 2000 በላይ አምራቾችን ያቀፍንበት አመት ነበር።

ከኢትዮጲያ ዉጭ አንድ የአፍሪካ አገር ላይ ቅርንጫፍ የተከፈተበት ሁኔታም እንዳለ እና በቅርቡ ስራውን እንደሚጀምር የገለጹት የድርጅቱ ዋና ስራ አስኪያጅ አቶ ዳንኤል በቀለ ናቸው።