አሸዋ ቴክኖሎጂ ከአዲስ አበባ ሳይንስና ቴክኖሎጂ ዩኒቨርሲቲ በጋራ ለመስራት ተፈራረመ።

አሸዋ ቴክኖሎጂ ከአዲስ አበባ ሳይንስና ቴክኖሎጂ ዩንቨርሲቲ ጋር አብሮ መስራት በሚያስችላቸዉ ጉዳይ ላይ ለአምስት አመት የሚቆይ የሰነድ የፊርማ ስነ- ስርዓት አካሂዷል።የፊርማ ስነ-ስርአቱ ላይ የሁለቱም ተቋማት ከፍተኛ አመራሮች በተገኙበት በአዲስ አበባ ሳይንስና ቴክኖሎጂ ዩኒቨርሲቲ ተከናዉኗል።

የአሸዋ ቴክኖሎጂ ሶሉሽን አክሲዮን ማህበር ዋና ስራ አስፈፃሚ አቶ ዳንኤል በቀለ "ከዩኒቨርስቲው ጋር አብሮ ለመስራት የሚያስችለንን የሰነድ ፊርማ ማከናወናችን ለሀገር ችግር ፈቺ የሆኑ ትልልቅ ፕሮጀክቶችን ለመስራት በር ከፋች ነዉ" ብለዋል።

"ተማሪዎች ዓለም አቀፍ ተወዳዳሪ የሆኑ የቴክኖሎጂ ዉጤቶችን እንዲሰሩ እንደ አሸዋ ቴክኖሎጂ ያሉ ተቋማት ጋር በጋራ መስራታችን ኢንዱስትሪዉ እንዲነቃቃ ያደርገዋል" ሲሉ የአዲስ አበባ ሳይንስና ቴክኖሎጂ ዩኒቨርስቲ የአካዳሚክስ ጉዳዮች ምክትል ፕሬዚዳንት ከማል ኢብራሒም(ዶክተር) አብራርተዋል።

የመግባቢያ ሰነዱ ከዚህ በታች በተዘረዘሩት ጉዳዮች ላይ ትኩረት አድርጎ እንደሚሰራ ተጠቁሟል።

👉አሸዋ ቴክኖሎጂ በዩኒቨርሲቲው በኩል ለሚመጡ ኢንደስትሪዎች አንደየፍላጎታቸው ብራንዳቸውን የሚያሳድጉበትና በራሳቸው የገበያ ትስስር የሚፈጥሩበትን የዲጂታል ማርኬቲግ እና የኢኮሜርስ ስልጠናዎችን እንዲሁም ዌብሳይት ግንባታዎችን ያመቻቻል፡፡

👉አሸዋ ቴክኖሎጂ ዓለም አቀፍ ስታንዳርድ ያላቸውን የቴክኖሎጂ አገልግሎቶቹን እንደ ኢአርፒ ፣ ከስተም ሶፍትዌር ፣ ነሃቢ እና የክላውድ አገልግሎት እንዲሁም ማንኛውንም የቴክኖሎጂ ፈጠራዎችን ይሰጣል ፡፡  

👉የዲጂታል ማርኬቲንግ እና የኢኮሜርስ ስልጠናዎችን በመስጠት ኢንዱስትሪዎች በጎ ገፅታቸውን እንዲገነቡ እና ምርታማነታቸውን እንዲያሳድጉ ያግዛል። 

👉ለህብረተሰቡ ችግር ፈቺ የሆኑ ስራዎች ላይ ትኩረት እንዲያደርጉና አስፈላጊ የሆኑ የቴክኖሎጂ ግብአቶችን ለምርቶቻቸው ወይም ለአገልግሎቶቻቸው መጠቀም እንዲችሉ እና በልፋታቸው ልክ ተጠቃሚ እንዲሆኑ ሙያዊ ድጋፍ ይሰጣል። 

👉ስምምነቱን ለሚደግፉ ሌሎች ፍላጎት ያላቸው ድርጅቶች (መንግስታዊ ያልሆኑ ድርጅቶች፣ የመንግስት መስሪያ ቤቶች፣ የግል ኩባንያዎች፣ ማህበራት እና ሌሎች) እንዲሳተፉ ምቹ ሁኔታዎችን እንደሚያመቻች ተገልጿል።

አሸዋ ቴክ ህዳር 16/2017