አሸዋ ቴክኖሎጂ ከኢትዮጵያ ፋርማሲ ማህበር ጋር አብሮ ለመስራት ተፈራረመ።

አሸዋ ቴክኖሎጂ ከኢትዮጵያ ፋርማሲ ማህበር ጋር አብሮ መስራት በሚያስችላቸዉ ጉዳይ የመግባቢያ ሰነድ የፊርማ ስነ- ስርዓት አካሂዷል። የፊርማ ስነ-ስርአቱ የሁለቱም ተቋማት ከፍተኛ አመራሮች በተገኙበት አራት ኪሎ በሚገኘው የኢትዮጵያ ፋርማሲ ማህበር ዋና መስሪያ ቤት ተከናዉኗል። ተቋማቱ በዋናነትም የተፈራረሙት የቴክኖሎጂ ውጤቶችን ለማበልጸግ፣ የገበያ ትሥሥር ለመፍጠር እና በጋራ በመመካከር ስራዎችን ተደጋግፎ ለመስራት ነው። 

የአሸዋ ቴክኖሎጂ ሶሉሽን አክሲዮን ማህበር ዋና ስራ አስፈፃሚ አቶ ዳንኤል በቀለ ከዚህ አንጋፋ ተቋም ጋር አብረን መስራታችን በጤናው ዘርፍ አዳዲስ የቴክኖሎጂ ውጤቶችን ማበርከት እንድንችል ይረዳናል ብለዋል፡፡

የኢትዮጵያ ፋርማሲ ማህበር ፕሬዚዳንት ዳንኤል ዋክቶሌ (ዶክተር) በበኩላቸው የሙያ ማህበሩ በቴክኖሎጂ ሲታገዝ ለማህበረሰቡ ማበርከት ያለበትን አገልግሎት በበቂ ሁኔታ እንዲያቀርብ እንደሚረዳው ገልፀው፤ የማህበሩ አባላት የቴክኖሎጂ ውጤቶችን በስፋት መጠቀም ከቻሉ ጥሩ የአገልግሎት ተቋም መገንባት እንደሚቻልም አብራርተዋል፡፡

አሸዋ ቴክ ህዳር 18/2017